11/30/10

უახლესი სამეცნიერო მიღწევა

        ახალგაზრდა ბრიტანელმა დიზაინერმა   Jeremy Innes Hopkins–მა წარმოადგინა ფრიად საინტერესო კონცეპტი – “Nokia Kinetic Concept Phone”–ი, რაც მობილური ტელეფონის მოდელი გახლავთ, რომელსაც ძალუძს შემომავალი ზარებისა და მოკლე შეტყობინებების ფონზე დაიტუმბოს.
        საქმე იმაში გახლავთ, რომ სიახლე მოიცავს შიდა მოწყობილობას, რომელიც ციფრულ ინფორმაციას კინეტიკურ ენერგიად გარდაქმნის.
        შემომავალი ზარის, ან მესიჯის დროს ტელეფონი ვერტიკალურ მდგომარეობაში ექცევა. ჩვენს მიერ  მისი ჰორიზონტალურ მდგომარეობაში დაბრუნება კი  ზარის გათიშვას გამოიწვევს.
        მობლური იტენება მზის ენერგიის ხარჯზე, ისევე როგორც თანამგზავრები.
        ზემოარნიშნული მოვლენა მდგომარეობს ფიზიკურ კანონში, რომლის მიხედვითაც ენერგია არ იკარგება. ამ შემთხვევაში კი  ტელეფონი იბრუნებს იმ ენერგიას, რომელიც  ბორტმა დახარჯა მისთვის სიგნალის გადმოსაცემად.





http://ucnauri.com/24/11/2010/nokia-kinetic-2/
       
       

ჟან შარდენი საქართველოში


    შარდენი 1643 წელს პარიზში პროტესტანულ ოჯახში დაიბადა. მამამისმა, შეძლებულმა იუველირმა, მას კარგი განათლება მიაღებინა და იუველირის საქმე ასწავლა. თუმცა ახალგაზრდა შარდენი, ოჯახური პროფესიისთვის მიყოლის ნაცვლად, ლიონელ ვაჭართან სახელად რესენი 1665 წელს სპარსეთსა და ინდოეთში მიემგზავრება, ნაწილობრივ ბიზნესისა და ნაწილობრივ საკუთარი თავგადასავლის ჟინის მოსაკლავად.
1686 წელს შარდენი მისი განთქმული "მოგზაურობის" პირველ ნაწილს აქვეყნებს.  ნამუშევარი დასრულებული სახით მხოლოდ 1711 წელს იბეჭდება ამსტერდამიდან, თვალისმომჭრელი სათაურით "Voyages de monsieur le chevalier Chardin en Perse et autres lieux de l'orient" ("ბატონი რაინდი შარდენის მოგზაურობები სპარსეთსა და აღმოსავლეთის სხვა მიწებზე").

თხზულების "მოგზაურობა სპარსეთსა და აღმოსავლეთის სხვა ქვეყნებში" გარკვეული ნაწილი საქართველოს ეხება, სადაც მან 1672-1673 იმოგზაურა. მან მოიარა დასავლეთ და აღმოსავლეთ საქართველო, ვრცლად აღწერა საკუთარი თვალით ნანახი უამრავი ფაქტი და მოვლენა, პირადი შთაბეჭდილებები შეავსო საქართველოს წარსულის შესახებ.
აქვე ვხვდებით ძველი თბილისის პირველ გრაფიკულ ჩანახატს, რომელიც შარდენის თანამგზავრის მხატვარ გრელოს მიერ უნდა იყოს შესრულებული:




მოგვიანებით შარდენმა გამოაქვეყნა მოგზაურობის დროს მიღებული შთაბეჭდილებები წიგნის სახით. კიდევ უფრო მოგვიანებით ვასილ ბარნოვმა თარგმნა ამ წიგნის ის ფრაგმენტი სადაც შარდენი აღწერს საქართველოში მოგზაურობის პერიოდს.
ჩანაწერების ავტორს გააზრებული აქვს რომ მსგავს ნაშრომს, მითუმეტეს როდესაც საქმე ეხება ეთნოსის აღწერას, მეტ ღირებულებას სძენს ობიექტურობა. მიუხედავად იმის რომ მას საქართველოში ყველაზე საინტერესო თავგადასავლები გადახდა, მათ რიცხვში ძირითადად ისეთები რომლების დროსაც ძალიან ძნელია დარჩე ობიექტური, ჟან შარდენს ყოველთვის უდგება ისეთი მომენტი როდესაც ყველა წყენას ივიწყებს და მოვლენების ობიექტურად ასახვა-შეფასებას განაგრძობს. 
მოგზაურობა საქართველოში ძალიან უწყინარი გარემოებებით იწყება.

"10 სექტემბერს ისგაურში მოვედით. ისგაური არის სამეგრელოს ნავთ-საყუდელი და საკმაოდ კარგია ზაფხულობით. იქ დგებიან ხომალდები, რომელნიც კოლხიდაში მოდიან სავაჭროდ, როცა ჩვენ მოვედით იქ შვიდი დიდი ხომალდი ოდგა. ჩვენმა ნავის უფროსმა დააბმევინა ხომალდი ოთხი ღუზით და დააშვებინა ანძები."
 
რადგანაც საკვების შოვნა თითქმის შეუძლებელი გახდა ისგაურის პორტში, შარდენი კაცს აგზავნის საქართველოში მყოფ უკვე გამოცდილ იტალიელ თეატინ ბერ ზამპთან, სამეგრელოს პირობებში არსებობისთვის და სპარსეთისკენ გზის გასაგრძელებისთვის საჭირო რჩევების მისაღებად.
"ზამპიმ მირჩია, როცა დავბინავდებოდით გამეხსნა ეს ყუთი და ყველაფერი ამომელაგებინა, ვითომდა ვეძებდი რასმე, ეს იმიტომ, რომ ხალხი რომლებთანაც მივედით დარწმუნებულიყო, რომ სხვა ყუთებში საუნჯე რამ არ არის და ზამპისაც დაეჯერებინა ისინი, რომ ჩვენ ბერები ვართ და წიგნების მეტი არა გვაქვს რა. მე მივიღე ეს რჩევა და კარგიც ვქმენ. სახლში მყოფნი გაჰკვირდნენ როცა ასეთ ყუთში წიგნების მეტი ვერა ნახეს - რა და მგონი გულიც დააჯერეს."
იმერეთის აღწერის დროს კი უკვე ვხვდებით იმდროინდელი ქართველების ფსიქოლოგიურ პორტრეტებსაც. რაც მეტად მნიშვნელოვანია. მაგალითად შემდეგ ციტატაში გადმოცემულია იმერეთის დედოფალთან სტუმრობის დროს მიღებულ შთაბეჭდილებები.

"დედოფალი მშვენიერია, მაგრამ შეუფერებელი ქცევა აქვს, ისე ლაღობს, თითქო სირცხვილი აღარ იცისო. უწმაწურად ლაპარაკობს, ყველა მის სიტყვიდან გამოჩანს ბიწიერება. ეს არ არის არც საძრახისი და არც სათაკილო ამ ქვეყანაში: გარყვნილება აქ საზოგადო ბოროტებაა. იმერეთის დედოფალსაც ისეთი წვეულობის წესი აქვს, როგორიც სამეგრელოს დედოფალს, მაგრამ მისი სუფრა მოწყობილია ვერცხლის ჭურჭლით და ამალაც უფრო მდიდრულად არის მორთული."


გაითვალისწინეთ რომ ფრანგის გაკვირვება ბიწიერებით არ უნდა იყოს ადვილი საქმე მითუმეტეს მოგზაურის. აქ კი ვხვდებით იმდროინდელი საქართველოს მოსახლეობის ზოგად დახასიეთებასაც:

 

პანორამები
















































ჟურნალისტიკის სამაგისტრო პროგრამები

საქართველოს საზოგადოებრივ საქმეთა უნივერსიტეტი (GIPA)
  










პროგრამის შესახებ
ჟურნალისრიკისა და მედია მენეჯმენტის ინგლისურენოვანი სამაგისტრო პროგრამა კავკასიის რეგიონში ჟურნალისტური განათლების საუკეთესო მოდელად არის მიჩნეული. პროგრამა მიზნად ისახავს, მაღალი კვალიფიკაციის მქონე, ჟურნალისტების და მედია მენეჯერების მომზადებას კავკასიის რეგიონში. სამაგისტრო პროგრამაზე სწავლობენ ქართველი, აზერბაიჯანელი და სომეხი სტუდენტები.

ქართველი, ამერიკელი, ბრიტანელი და ფრანგი სპეციალისტები სტუდენტებს დასავლურ მუშაობის სტილსა და სტანდარტებს აცნობენ.

სასწავლო პროცესში მიღებული პრაქტიკული ცოდნა და პროფესიული უნარ-ჩვევები კურსდამთავრებულებს საშუალებას აძლევს, იმუშაონ ნებისმიერ მედიასაშუალებაში, იქნება ეს ბეჭდური მედია, ტელევიზია, რადიო თუ ინტერნეტ-გამოცემა. ჟურნალისტიკისა და მედია მენეჯმენტის კავკასიური სკოლა ასევე აქტიურად მონაწილეობს კურსდამთავრებულთა დასაქმებაშიც.


სასწავლო პროცესი

ჟურნალისტიკისა და მედია მენეჯმენტის ინგლისურენოვანი სამაგისტრო პროგრამა კავკასიის რეგიონში ჟურნალისტური განათლების საუკეთესო მოდელად არის მიჩნეული. სამაგისტრო პროგრამაზე სწავლობენ სტუდენტები როგორც საქართველოდან, ასევე - აზერბაიჯანიდან და სომხეთიდან. პირველ სემესტრს სტუდენტები თავიანთ ქვეყნებში გადიან და სწავლობენ ჟურნალისტურ ოსტატობასა და ჟურნალისტიკის პრინციპებს. ჯგუფი ჟურნალისტიკის კავკასიურ სკოლაში თავს მეორე და მესამე სემესტრში იყრის. ორი სემესტრის მანძილზე სტუდენტები გადიან პრაქტიკულ მეცადინეობებს, რაც მათ ეხმარება ფაქტებზე დამყარებული, პროფესიონალური რეპორტაჟების მომზადებაში. პროგრამაში განსაკუთრებული ყურადღება ექცევა ნიუსრუმისა და გამოცემის მენეჯმენტის მუშაობის პრინციპებს. კურსი მოიცავს ბიზნესის, ჯანდაცვის, კულტურის, პოლიტიკისა და სხვა სფეროების გაშუქების ინტენსიურ ტრენინგებს. მეოთხე სემესტრში სტუდენტები ისევ ბრუნდებიან თავიანთ ქვეყნებში, გადიან პრაქტიკას და მუშაობენ დიპლომზე.

ლექტორები და ტრენერები ქართველი, ამერიკელი, ბრიტანელი და ფრანგი სპეციალისტები არიან. სასწავლო პროცესი ასევე მოიცავს ჟურნალისტიკასა და სხვა სფეროებში მოქმედი პროფესიონალების ვიზიტებს. სტუდენტთა განკარგულებაშია ტელე და რადიოაპარატურა, ვიდეო და ფოტოკამერები, ციფრული სამონტაჟოები, კომპიუტერული ლაბორატორიები, ჟურნალისტური ბიბლიოთეკა, უკაბელო ინტერნეტი და სხვა სასწავლო რესურსები.

სასწავლო პროგრამა მოიცავს როგორც თეორიულ ლექცია-სემინარებს, ასევე, პრაქტიკულ ლაბორატორიულ მეცადინეობებს. სწავლის პერიოდში სტუდენტები მუშაობენ რეალური საინფორმაციო სამსახურის რეჟიმში, ამზადებენ სტატიებს, ფოტორეპორტაჟებს, ტელე და რადიოსიუჟეტებს და საინფორმაციო პროგრამებს. სტუდენტები ასევე სწავლობენ კომუნიკაციის თეორიებს, მედია მენეჯმენტის საფუძვლებს, მუშაობენ გუნდური პროექტების განხორციელებასა და რეალური სიტუაციების სიმულაციაზე. სწავლის განმავლობაში ისინი აქტიურად მონაწილეობენ ინსტიტუტის ბაზაზე არსებული რადიოსადგურის "რადიო GIPA" მუშაობაში და გამოსცემენ სტუდენტურ გაზეთს "Brosse Street Journal".

ჟურნალისტიკისა და მედიამენეჯმენტის კავკასიური სკოლის კურსდამთავრებულთა 91% დასაქმებულია.

სწავლების საფასურია 2400 ევროს ექვივალენტი ლარში. დამატებით სტუდენტებს დაჭირდებათ შემდეგი აპარატურა: ფოტოკამერა, აუდიოჩამწერი, ვიდეოჩამწერი.
 

სასწავლო გეგმა 

http://www.gipa.ge/curriculum/curriculum_journ_engl_ge.pdf 




 კავკასიის მედია სკოლა 


 სამაგისტრო პროგრამა გამიზნულია მათთვის, ვისაც სურს საკვანძო თანამდებობის დაკავება სხვადასხვა სახის მედია საშუალების შემოქმედებით ან მმართველ გუნდში, ან ბიზნეს, საჯარო და არასამთავრობო ორგანიზაციების ადმინისტრაციაში. 
სამაგისტრო პროგრამის კურსდამთავრებულები შეძლებენ, იმუშავონ ასევე მედია მკვლევარებად, მედია კონსულტანტებად და ტრენერებად, დაკავდნენ პედაგოგიური და სამეცნიერო-კვლევითი საქმიანობით მედიის სფეროში.
სამაგისტრო პროგრამის შედგენისას გათვალისწინებულ იქნა ბაზრის მოთხოვნა და ასევე მომუშავე პროფესიონალთა საჭიროებები და დღის განრიგი. მათ აქვთ შესაძლებლობა, საგანთა მრავალფეროვანი მენიუდან შეარჩინონ საინტერესო საგნები და სწავლის პროცესი დროში ისე გაანაწილონ, როგორც ეს მათთვის იქნება ხელსაყრელი.

სამაგისტრო პროგრამაზე განაცხადის შემოტანა შეუძლიათ როგორც მათ, ვინც საბაკალავრო განათლება ჟურნალისტიკის ან საზოგადოებასთან ურთიერთობის სპეციალობით მიიღო, ასევე პროფესიონალთა ფართო წრეს – ვინც საბაკალავრო განათლება მიიღო სოციალურ და პოლიტიკურ მეცნიერებათა, ჰუმანიტარულ მეცნიერებათა და ბიზნესის მართვის განხრით, სამართალმცოდნეობაში ან სხვა მონათესავე დარგებში.

კავკასიის მედიის სკოლა გთავაზობთ სპეციალიზაციას სამი მიმართულებით:

ჟურნალისტიკა;
მედია მენეჯმენტი;
სტრატეგიული კომუნიკაცია.

მიღებული სამაგისტრო განათლება მედიაში დასაქმებულთ კარიერულ წინსვლაში ეხმარება და ზრდის მათ პროფესიულ ეფექტურობას.
კავკასიის მედიის სკოლაში ზოგიერთ საგანს უცხოელი სპეციალისტები ასწავლიან, მაგალითად, საგანს ახალი მედია ტექნოლოგიების შესახებ და მედია ეკონომიქსს, რომელიც მედიის ეკონომიკური გარემოს ანალიზს ეხება.

სწავლების პროცესში გამოიყენება უახლესი ლიტერატურა და სწავლების მეთოდები. სტუდენტებს აქვთ საშუალება ისარგებლონ კომპიუტერული ლაბორატორიით, მდიდარი ბიბლიოთეკით და პარტნიორი მედია ორგანიზაციების სტუდიური აღჭურვილობით.
http://www.cu.edu.ge/?i=320&l=2 

 



საქართველოს დავით აღმაშენებლის სახელობის სახელმწიფო უნივერსიტეტი



ჟურნალისტიკის სამაგისტრო სამაგისტრო პროგრამი მიზნები

პროგრამა ჟურნალისტიკაში ითვალისწინებს ბაკალავრის შემდგომი დონის სპეციალისტის მომზადებას, რაც გულისხმობს პროგრამის მონაწილეთათვის პრაქტიკული და სამეცნიერო საქმიანობის განხორციელებისათვის აუცილებელი უნარ–ჩვევების განვითარებას, მედიის კვლევის თანამედროვე მეთოდების სიღრმისეულ შესწავლას, კრიტიკული ანალიზის უნარ-ჩვევების გამომუშავებას, ასევე, ხელს უწყობს ჟურნალისტური ოსტატობის დახვეწას, რითაც იქმნება საგანმანათლებლო პროგრამის მესამე საფეხურზე სწავლის გაგრძელების წინაპირობა.
ჟურნალისტიკის სამაგისტრო პროგრამა ასწავლის სტუდენტს, როგორ უნდა გამოიყენოს საინფორმაციო–საკომუნიკაციო ტექნოლოგიები დარგის თავისებურებების გათვალისწინებით, რათა შეძლოს არგუმენტირებული დასკვნების დამაჯერებლად გადმოცემა და განზოგადება.  
სწავლის შედეგები

სსამაგისტრო პროგრამის დასრულების შემდეგ კურსდამთავრებულს ენიჭება ჟურნალისტიკის მაგისტრის აკადემიური ხარისხი, რაც მოწმობს, რომ მას:
• აქვს ჟურნალისტიკის აქტუალური საკითხების გაღრმავებული ცოდნა. ათვისებული აქვს მედიის კვლევის თანამედროვე მეთოდები და კრიტიკული ანალიზის უნარ-ჩვევები. მაგისტრი აღჭურვილია სპეციალიზაციის სფეროს ღრმა, სისტემური ცოდნით, რაც გამოიხატება ქვედარგის სტრუქტურის და ინსტიტუტების, კომუნიკატივისტიკისა და მედიალოგიის ცალკეული თეორიების, კონცეფციების სიღრმისეულ გააზრება–ათვისებაში. ჟურნალისტიკის მაგისტრი აღჭურვილია ისეთი სპეციფიკური მეთოდების თუ საკითხების ცოდნით, რომელთა დიდი ნაწილი ასახავს კვლევაზე დაფუძნებულ უახლეს ცოდნას და პრაქტიკულ გამოცდილებას;

• შეუძლია მიღებული ცოდნის წარმატებით გამოყენება ახალ გარემოში. შესწევს უნარი იმოქმედოს ახალ, გაუთვალისწინებელ და მულტიდისციპლინურ გარემოში და მოპოვებული ცოდნის გამოყენებით ეძიოს თეორიული თუ პრაქტიკული ხასიათის მქონე კომპლექსური პრობლემების გადაწყვეტის ახალი, ორიგინალური გზები;
ასათვისებელი კრედიტების რაოდენობა

120 კრედიტი

შეფასების წესი

უნივერსიტეტში შემუშავებულია საგანმანათლებლო პროგრამის და მისი განხორციელების შეფასების ერთიანი სისტემა. საგანმანათლებლო პროგრამის და მისი განხორციელების ხარისხის შეფასების მიზნით გამოიყენება შეფასების ისეთი ფორმები, როგორიცაა აკადემიური პერსონალისა და სტუდენტთა გამოკითხვები სპეციალური ფორმულარების შევსების მეშვეობით, ასევე სწავლის და სწავლების შედეგების მონიტორინგის გზით, რომელსაც განახორციელებს უნივერსიტეტის ხარისხის უზრუნველყოფის სამსახური შესაბამისი ფაკულტეტის ადმინისტრაციის მიერ მიწოდებული ინფორმაციის დამუშავებისა და ანალიზის საფუძველზე.
http://www.sdasu.ge/cataloge/mag_jurn.html 

 

11/29/10

ჩემს შესახებ



         მე ვარ ნათია ბაქრაძე, დავიბადე 1990 წლის 13 ნოემბერს. სწრაფად გავიდა 20 წელი... “ჩვენ ყველანი ჩვენი ბავშვობიდან მოვდივართ”-, როგორც იტყოდა ეგზიუპერი და მეც ხშირად მახსენდება პატარა ფრაგმენტები ბავშვობიდან, როდესაც ჩემს ერთადერთ “მასშტაბურ” ოცნებას ჟურნალისტად გახდომის სურვილი წარმოადგენდა. 
        გამუდმებით “ინტერვიუს” ვწერდი ცნობილ ადამიანებთან, ოღონდ კითხვისაც და პასუხის ავტორი თავად გახლდით.
        ხუთი წლის ვ
იყავი, როდესაც სკოლაში შემიყვანეს. არ გამჭირვებია, პირიქით, მიხაროდა, მალე დავამთავრებ და ოცნებასაც ავისრულებ-მეთქი. 
         2007 წელს ჩავაბარე ეროვნული გამოცდები და გავხდი თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის სტუდენტი ჟურნალისტიკის განხრით. (როგორ მიყვარს როცა ამას ვწერ, ეს ერთადერთი ფრაზაა ჩემს ცხოვრებასა და მოღვაწეობაში, რომელსაც ოფიციალურ ენაზე ვამბობ ხოლმე ).                   ჩვეულებრივ მჩვევია გადაპრანჭული სიტყვები,ფრაზები და წინადადებები, მაგრამ ეს მაინც სულ სხვანაირად ჟღერს.
        ხომ გაგიგიათ გამოთქმა “გიჟი დედააო”? მეც მასეთი ვარ, ოღონდ მეგობარი. ვფიქრობ, ცოტა რთულია ჩემი ატანა, ბევრს ვაკეთებ და ბევრაც მოვითხოვ, მაგრამ ვგრძნობ რომ ყველას ვუყვარვარ. მტრები მგონი არ მყავს, ამიტომაც შემიძლია ვთქვა, რომ ბედნიერად ვცხოვრობ, მსუბუქად დავაბიჯებ ცის ქვეშ და დედამიწის ზემოდან.
        ზარმაცი ვარ და მძინარა. მჭირდება ვალდებულებები, რადგან თუ ისინი გამაჩნია, ყველაფერს თავის დროზე, ან ბოლო წუთს მაინც ვაკეთებ. 
        ზოგადად ნელი ვარ, მაგრამ ვგიჟდები ექსტრემალურ სიტუაციებზე, განსაკუთრებით, თუ საქმე ჩემს პროფესიას ეხება. ამ დროს ძალიან მცირე დროში იმდენ რაღაცას ვაკეთებ, მერე მიკვირს ხოლმე, არ მჯერა, რომ მოვახერხე. ამ დროს ისე მიყვარს ჩემი თავი, რომ ყველაზე კარგი გოგო მგონია ნათია ბაქრაძე, თუმცა უნდა აღვნიშნო ისიც, რომ არის პერიოდები, როცა ჩემი თვითშეფასება ნულის საზღვარსაც ვერ სცილდება. თავს დავიმშვიდებ და ვიტყვი, რომ ალბათ ასეა ყველა ...
        თავი თუ არა ჟურნალისტად, სხვა პროფესიის ადამიანად ვერც წარმომიდგენია. ხშირად მეუბნებიან, ვინმემ რომ არ იცოდეს, ისედაც მიხვდება, რომ მომავალი ჟურნალისტი ხარო და ეს ასეცაა, ყველა ხვდება... მოკლედ, ბევრი რომ აღარ გავაგრძელო,

                                                                                                          
                                                                                              ვისურვებ წარმატებას 